jueves, 20 de septiembre de 2012

"M'aganaría estar pino"

Un poema en aragonés de 
José Antonio Labordeta.

M'aganaría estar pino
d'un mon de lo Pirineo
pa meter-me todo blanco
con la nieu de lo ibierno.
 
Si fese fagüeño,
chiflase l'ausín
u soflase zierzo,
yo plantau aquí.
 
En plegar la primabera,
d'agulletas emplenar-me,
dixando las rezias tallas,
pa fer-sen nidos las abes.
 
Si fese fagüeño,
chiflase l'ausín
u soflase zierzo,
yo plantau aquí.
 
Os corders pa lo berano,
chunto a yo s'acocharían,
acalorando en la sombra
en que estiese meyodía.
 
Si fese fagüeño,
chiflase l'ausín,
u soflase zierzo,
yo plantau aquí.
 
L'otoño yo i bería,
de colors como fogueras
a faus, caxicos, illons,
tremolinos y nogueras.
 
Si fese fagüeño,
chiflase l'ausín,
u soflase zierzo,
yo plantau aquí.
 
Lo ibierno si benisen,
a trozar-nos pa bagueras,
"no fa falta, -diziría-,
que no i quedan chamineras".
 
Si fese fagüeño,
chiflase l'ausín,
u soflase zierzo,
yo plantau aquí.
        
Publicar un comentario